CUSSI’ A SE FASEMO FORA UN BON PASTICIO DE PICIONI!
I ingredienti.
Quatro picioni (el tenente? Ah no, ’spetè… queo iera Coeombo)
Oio estra vergine de oliva (dea Coop)
Buro
Un gambo de sedano
Sae
Un litro de brodin de carne
Pan rafermo
Ea preparazion.
Netare i picioni, tajarli in quarti e farli rosoeare in te ‘na pignata co’ oio e buro, zontandoghe anca el gambo de sedano trità. Saeare. Coerzare co’ un coercio, far bojere e lassare cusinare a fogo mina tanto alto. Po’ lassarli rafredare e cavarghe i ossi… capio Bersallieri? Metare i coeombi col brodo de carne, far bojere e lassare ponsare par diese minuti. Tajare el pan a fete alte un zentimetro (no de più ahn!) e destirare un primo strato in te na tellia imburà, bea onta,. Filtrare el brodo, bagnare el primo strato de pan zontando dea carne de coeombo, po fare el secondo strato, brodin, carne e cussì andare. Aea fine coerzare co’ un strato de pan e inondare co’ del brodin!
Se consillia: tore i picioni in piaza San Marco, magari domandare ai venesiani de portarghene un fià, visto che domenega in vien anca lori.
Ve saeudo e fasive tuti scagazare da un picion in testa stasira ca ne porta bona sorte
