PEN(N)E AEA INRABIA’
I ingredienti
400 grami de penne (a scrivo co’ dò ene parchè sinò i poe acusarme de essare maeducà), ma ca sia pasta seca
200 grami de polpa de pomidoro
300 grami de buro de aciuga
3 tocheti de aio de queo ca spuza
Mezo pevaronzino picante
Un fià de parsembaeo
Un fiantenin de oio e sae
Ea preparazion.
Rosoeare in te ‘na pignata, co’ l’oio, l’aio tajà a tochetini picinini e el pevaronzin. Zontarghe ea polpa de pomidoro trità. Saeare e cusinare par sete o anca oto minuti. Po’ lesare e pen(n)e, sgncarghe el buro de aciuga a tocheti e anca el parsembaeo trità in modo grezo, condirle co’ ea salsa de pomidoro (ma prima cavarghe el pevaronzin o ve vien e ‘moroidi in tel dedrè) bea calda.
Se consillia. Cusinare co’ cura ‘na bea camomia Soni de oro Bonomei ai siori eterni dea cità eterna cussì i se mete bei sereni e fare ’sta bea ricetina dee pen(n)e ai Bersallieri, ma zontandoghe ‘na bea piantina de pevaronzin. Anca se mi a spero che no ghe ne sia de bisonnio.
Dai fioi, ca ve voemo sempre ben!
Ve saeudo, Omo de rebi
